წიგნის წარდგენა | „შვიდი გრძნობა სიცოცხლისთვის" - ნიკოლოზ ტოტოღაშვილი

🧡 ხუთშაბათს, 25 სექტემბერს, 19:00 საათზე ქართველი თანამედროვე მწერლის, ნიკოლოზ ტოტოღაშვილის ახალი წიგნის, „შვიდი გრძნობა სიცოცხლისთვის", წარდგენა გაიმართება.

📚 თავად ავტორი ისაუბრებს წიგნზე, წერის პროცესზე და მკითხველისთვის საინტერესო სხვა თემებზე. აქვე შეძლებ ავტორისთვის კითხვების დასმას, წიგნის შეძენას ავტოგრაფით და სამახსოვრო ფოტოების გადაღებას.

✍️ "მკვლელის ფსიქოლოგიაზე უამრავი თქმულა და დაწერილა, თუმცა ალბათ მაინც ასეა: რამდენი მკვლელიცაა, იმდენივეა დანაშაულის ხასიათი და შინაარსი. და რა ხდება მაშინ, როცა დანაშაულის მოტივს მკვლელობის „ფორმა“ ჩრდილავს, მითუმეტეს, თუ ფსიქოპატი მკვლელის ფანტაზია მითური პერსონაჟებითაა ინსპირირებული? ნიკოლოზ ტოტოღაშვილის „შვიდი გრძნობა სიცოცხლისთვის“ ჯერ „შვიდ მომაკვდინებელ გრძნობასა“ და შემდეგ „ასტრალის სულში“ დაწყებული იან კლაინის ამბის გაგრძელებაა. ეს ნაცნობი გრძნობებისა და ახალი გმირების უჩვეულო თავგადასავალია, ამიტომ ისტორიის ამ ფურცელზე გამოცდა არა მხოლოდ წიგნის მთავარ პერსონაჟს, არამედ შვიდ მომაკვდინებელ გრძნობასაც ელოდება."

😊 გელოდებით 25 სექტმბერს, 19:00 საათზე, ვაკის პარკის "წიგნის კაფეში" (არჩილ მიშველაძის #4).